Fantastisk dugnadsinnsats
- Vegard Leikvoll Moberg
- for 3 døgn siden
- 1 min lesing
Dei to føregåande laurdagane har Kuventræ vore fylt av ekte dugnadsånd.
Ei stor og engasjert gruppe frivillige har lagt ned ein imponerande innsats for å klargjere garderobar og klubbhus i forkant av entreprenørane sin oppstart.
Det har vore jobba effektivt og målretta med rydding, demontering og førebuande arbeid for å sikre best mogleg framdrift i prosjektet. Innsatsen som er lagt ned desse laurdagane har hatt enorm verdi, og viser kva som er mulig når så mange stiller opp for fellesskapet.
Målet er framleis å vere ferdig i april, og vi er svært glade for å ha totalentreprenør Byggmester Aarvik med på laget i det vidare arbeidet.
Vi ønskjer å rette ein stor og oppriktig takk til alle som har stilt
opp på dugnad, dette hadde ikkje vore mulig utan dykk. I tillegg vil vi takke alle frivillige som har bidrege gjennom heile prosessen som har gått føre seg gjennom hausten. Det langsiktige arbeidet og engasjementet som er lagt ned over tid har vore heilt avgjerande for at vi no er komt så langt.
Vi er svært takksame for støtta vi har fått frå Sparebanken Norge, den eksterne bidragsytaren og alle som har bidrege til OsVeggen. Ønskjer du å bidra til OsVeggen, sjå lenkje her: OsVeggen - Bli med på laget til Os Turnforening!
Kommentarer